Business' news

Казакстандын Өзгөчө кырдаалдар министрлигинин Кризистик кырдаалдарда башкаруу борборунун маалыматына ылайык, 8-февраль күнү Казакстандын Актөбө облусунда аба-ырайы кескин өзгөрүлүп, бороондон улам Самара – Шымкент унаа жолу кар күрткү пайда болуп, каттам эки тараптуу жабылган. Унаа жолдо Кыргызстандын 7 жараны Казакстандын Ак-Төбө облусунун Кара-Бутак айылында кар күрткүдө калгандыгы такталган. Кыргызстандын Өзгөчө кырдаалдар министрлиги жарандар менен бай...

Бүгүн, 10-февралда Кыргызстан мусулмандарынын кезексиз курултайы өтүп, анда Абдулазиз Закиров Кыргызстандын муфтийи болуп дайындалды.  Абдулазиз Закиров 45 жашта. Ал Жалал-Абад облусунун Базар-Коргон районуна караштуу Жети-Кошкон айылында туулган. Түркиянын Стамбул шаарынан билим алган.  2021-жылдан бери Жалал-Абад облусунун Базар-Коргон районунун баш имам-хатиби болуп эмгектенип келген. Закиров Абдулазиз Назирбековичтин өмүр баяны: Абдулазиз кары Закиров...

Кыргызстандык спортчу Бекдөөлөт Расулбеков оор атлетика боюнча Азия чемпионатынан күмүш байгени алды. Бул тууралуу Дене тарбия жана спорт департаменти билдирди. Маалыматка караганда, Расулбеков 102 килограммга чейинки салмакта катышкан. Ал түртүп көтөрүүдө 173 килограмм, жулкуп көтөрүүдө 213 килограмм көтөрүп, жалпы салмак 386 килограммды түзгөн. Бул салмакта алтын байгени Өзбекстандын Акбар Жураев, ал эми коло байгени тайпейлик Жень-По Чен ээледи.  Азия ч...

Улуу Британияда мезгилдик жумушта иштеп келүү үчүн 26 миң 170 адам арыз берди. Бул тууралуу Эмгек, социалдык камсыздоо жана миграция министрлиги билдирди. Чет мамлекеттеги айыл чарба иштерине барууну каалагандарды каттоо Hops Labor Ltd оператору аркылуу онлайн жүргүзүлгөн. Жети сааттык каттоодо 26 миң 170 адам арыз берген, оператор алардын ичинен 14 миң 735 адамды тандоонун биринчи этабынан өткөргөн. Тандоонун экинчи этабы бүгүн, 9-февралда саат 11:00дөн т...

Министрлер кабинетинин төрагасы Акылбек Жапаров Түркиянын Анкара шаарына болгон расмий сапарынын алкагында бул өлкөнүн негиздөөчүсү жана биринчи президенти Мустафа Кемал Ататүрктүн «Аныткабыр» мавзолейине барды. Жапаров Мустафа Кемал Ататүрктүн күмбөзүнө гүлчамбар коюп, анын элесин эскерди. Андан соң ардактуу меймандар китебине кол тамгасын калтырып, мавзолейди көрүп чыкты. «Аныткабыр» мавзолейи Мустафа Кемал Ататүрктүн урматына салынган жана ал мамлекетти...

Өзгөчө кырдаалдар министрлиги 10-12-февраль күндөрү күтүлүп жаткан жаан-чачынга байланыштуу Кыргызстандын тоолуу райондорунда, Бишкек – Ош унаа жолундагы Төө-Ашуу ашууда, Чычкан капчыгайы, Ала-Бел ашуусунда кар көчкү түшүүcү күтүлөрүн билдирди. Эртең, 10-февралда өлкө аймактарында жаан-чачын болбойт. Батыш-чыгыштан келген шамалдын ылдамдыгы секундасына 4-9 метрге чейин жетет. Абанын температурасы: Чүй өрөөнүндө түнкүсүн 0…+5, күндүз +11…+16, Талас облусунд...

Эне жана баланы коргоо улуттук борборунда бөйрөгүн бекер алмаштырган бейтап 9-февралда үйүнө чыгарылды. Бул тууралуу Саламаттыкты сактоо министрлиги кабарлады. Министр Алымкадыр Бейшеналиев бейтаптан жана ага бөйрөк алмаштырууда донор болгон атасынан кабар алды. Министрликтин маалыматына караганда, 12-февралда кезектеги бейтапта бөйрөгү бекер алмаштырылат. Быйыл 50 адамга бөйрөк алмаштыруу операциясы акысыз жасалат. Ал үчүн мамлекеттик бюджеттен 2 млрд 400...

Журналист Эрмек Аттокуров укук коргоо органдарынын кызматтык адамдарынан 1 миллион сом опузалап талап кылган деп шектелүүдө. Чүй облустук милициясы 8-февралда Аттокуров талап кылган сумманын 100 миң сомун алып жатканда кармалганын кабарлады. Учурда ал убактылуу кармоочу жайга киргизилген. Бул факт боюнча Кылмыш-жаза кодексинин "Опузалап талап кылуу" беренеси боюнча кылмыш иши козголгон. Тергөө уланууда.  Бир күн мурун Эрмек Аттокуров өзүнүн"Фейсбуктагы" ба...

Улуттук коопсуздук мамлекеттик комитети блогер Батмакан Жолболдуева опузалап акча талап кылууга шектелип кармалганын 9-февралда кабарлады. Маалыматка караганда ал Жалал-Абад шаарындагы коомдук тамактануу жайларынын бирине барып, ал жер санитардык-эпидемиологиялык талаптарга жооп бербегендиги үчүн видеого тарткан. "Андан кийин материалдык пайда алуу максатында Ооруларды алдын алуу жана мамлекеттик санитардык-эпидемиологиялык көзөмөл борборунун, Жалал-Абад ш...

Кечээ, 7-февраль күнү Кыргыз Республикасынын Министрлер Кабинетинин Төрагасы – Кыргыз Республикасынын Президентинин Администрациясынын Жетекчиси Акылбек Жапаровдун, КР Президентинин Ош облусундагы ыйгарым укуктуу өкүлү Эльчибек Джантаевдин, орун басарлардын, райондук мамлекеттик администрация башчысы-акимдер, облустук мекеме-ишканалардын жана жогорку окуу жайларынын жетекчилеринин катышуусунда коллегиялык жыйыны өттү. Күн тартибинде Ош облусунун 2023-жылга...

Ош шаарынын мэриясында көп балалуу энелерге “Баатыр эне” орденин жана “Эне даңкы” медалдарын тапшыруу аземи болуп өттү.  Иш-чарага Ош шаарынын мэри Бакытбек Жетигенов, орун басары Нурбек  Кадыров, көп балалуу энелер жана алардын жакындары катышты.  Калаа башчысы коомдун өнүгүшүнө жана келечек муундун калыптанышына өзгөчө салым кошкон энелерге бекем ден-соолук каалап, алган жогорку сыйлыктары менен куттуктады. Кыргыз Республикасынын Президентинин Жарлыгына...

Караколдогу №2028 аскер бөлүгүн текшерүү учурунда аскер кызматкери Жылдыз Асанакунованын маалыматы тастыкталган жок. Мындай билдирүүнү Улуттук коопсуздук мамлекеттик комитети таратты. УКМКнын айтымында, Жылдыз Асанакунова буга чейин да кайрылууда айткан тариздеги арыз берген. Анын негизинде Аскер прокуратурасы менен биргеликте текшерүү жүргүзүлгөн. Аны менен катар Жоокерлердин энелери комитети да кошумча текшерүү жүргүзгөн. Анын алкагында документтер иликт...

Баткен районунун Актатыр, Самаркандек, Кара-Бак, Ак-Сай айыл аймактарында жашаган отуз аял атайын окутуудан өтүп, ишкердик баштады. Ал үчүн "Баарлашуу, ишеним, укук" коомдук бирикмеси жалпы 2 млн 610 миң сомдук кайтарымсыз грант берген.    Президенттин Баткен облусундагы өкүлчүлүгү учурда 14 аял тигүүчүлүк, бирөө мототакси кызматын уюштуруу, төртөө малина өстүрүү жана азык-түлүк дүкөнүн ачуу, сегизи кондитердик азыктарды даярдоо жана үчөө сүт азыктарын сат...

Бүгүн, 7-февралда президент Садыр Жапаров абакта жаткан 11 журналист боюнча "Кабар" маалымат агенттигине маек курду. Өлкө башчы Кыргызстанда сөз эркиндиги сакталып жатканын айтып, "адам укугу, сөз эркиндиги боюнча дүйнөлүк рейтингди дал ушул сөз эркиндигине жамынган бузукулар түзөт" дейт.   "Кыргызстанда сөз эркиндигин чектей албайсың. Ага эл жол бербейт. Кыргызстандын эли илгертен сөз эркиндиги менен жашап келген эл. Мындан ары да сөз эркиндиги менен жаша...

Бажы кызматынын төрагасынын мурдагы орун басары Райымбек Матраимовдун 34 млн 810 миң 500 долларлык (3 млрд 98 млн 134 миң сом) кыймылсыз мүлкү мамлекеттин менчигине өткөрүлдү. Бул тууралуу УКМКнын басма сөз кызматы 8-февралда билдирди.  Ага ылайык, төмөндөгү объекттер мамлекеттин менчигине өткөрүлгөн:  - Бишкектеги Киев-Тыныстанов көчөсүндө жайгашкан беш кабаттуу "Бай Таш мунарасы" турак жай комплекси, алдын ала баасы 16 млн 297 миң долларды түзөт;  - Ошто...

Жогорку Кеңештин 7-февралдагы жыйынында Бишкек жылуулук электр борборундагы авария боюнча маселе көтөрүлүп, депутаттар өкмөттүн маалымат берүүсүн талап кылышты. Депутат Эмил Токтошевдин пикиринде, ЖЭБдеги жарылуу диверсия эмес эле шалаакылыктан келип чыкты. «Бишкек ЖЭБинде бир жылда үч жолу директор алмашкан. Кудай сактап, жарылуу түндөсү болду, күндүз болсо кандай болот эле? Миллиарддаган сомго чыгым алып келди деп жатат, буга жетекчилер түздөн-түз жооп б...

Бүгүн, 7-февралдан тарта мугалимдерди «Python тилинде программалоо» онлайн-курсуна кабыл алуу башталды. Бул тууралуу Билим берүү жана илим министрлигинин басма сөз кызматы билдирди. Каалоочулардын өтүнмөлөрү 31-мартка чейин кабыл алынат. Анүчүн forms.yandex.ru сайтына катталып, анкета толтуруу керек. Тандалып алынгандарга окутуу 1-1,5 ай жүргүзүлөт. Белгилүү болгондой, онлайн окутууну Яндекс Go компаниясынын Кыргызстандагы өкүлчүлүгү сунуштаган. Курс сабак...

Министрлер кабинетинин төрагасы Акылбек Жапаров 8-февралдан 10-февралга чейин Түркиянын борбору Анкара шаарына расмий сапар менен барат. Сапардын алкагында Соода-эконмикалык кызматташтык боюнча Кыргызстан-Түркия өкмөттөр аралык комиссиясынын XI жыйынына катышат. Аны менен катар мамлекеттик органдардын башчылары, бийлик өкүлдөрү менен жолугушууларды өткөрөт. Андан тышкары Кыргыз-түрк бизнес форумуна катышып, Түркиянын бизнесмендери менен баарлашат. Андан со...