Президенттин жубайы Айгүл Жапарова Орусиянын Москва шаарында Кыргызстан аялдар кеңешинин мүчөлөрү менен жолугушту. Бул тууралуу Президенттин администрациясынан билдиришти.
Айгүл Жапарова Кыргызстандын Орусиядагы элчилигинин иши менен таанышып, Ак калпак күнүнө карата уюштурулган иш-чарага катышты.
Андан тышкары Москвадагы Кыргызстан аялдар кеңеши менен жолугушуу өткөрүп, ал жерде сүйлөгөн сөзүндө аялдардын коомдук-саясий жана социалдык-экономикалык турмушка активдүү катышуусуна өзгөчө көңүл буруу керектигин белгилеп өттү.
Москва шаарында бүгүн, 6-мартта «Кыргызстан менен Орусиянын аялдарынын келечек үчүн диалогу» аттуу биринчи кыргыз-орус аялдар форуму өтөт.