Сауд Арабиянын футбол боюнча курама командасы Дүйнө чемпиондугунун тайпалык этабынын биринчи айлампасында Аргентина курамасын жеңгени үчүн, ар бир оюнчусу жогорку класстагы Rolls-Royce Phantom автоунаасы менен сыйланат.
Бул тууралуу чет элдик маалымат булактары жазып чыкты.
Мындай чечимди Сауд Арабиянын падышасы Салман ибн Абдул-Азиз Ал Сауд кабыл алганы белгиленген.
1-турдан кийин Сауд Арабия курамасы тайпалык таблицада алдыда келе жатат.
Бүгүн, 26-ноябрда Сауд арабия Польша курамасы менен беттешет.
Белгилей кетсек, 22-ноябрда Катарда өтүп жаткан дүйнө чемпиондугунун тайпалык баскычында Сауд Арабия 2:1 эсебинде Аргентинаны утуп алган.