Бүгүнкү күндө Ош шаарында коронавирусту жуктуруп, кызыл аймакта дарыланып жаткан 3 бейтаптын абалы өтө оор болууда. Бул тууралуу Ош шаардык клиникалык ооруканасынан билдиришти.
Маалыматка караганда, бүгүн 23-октябрга карата COVID-19 илдети менен Жалал-Абад шаарынан 1 тургун катталды.
«Бүгүнкү күндө биздин кызыл аймактарда коронавирус илдетин жугузган 22 бейтап дарыланып жатат. Үчөө өтө оор абалда. Орто оор абалда 14 бейтап бар. Беш бейтаптын абалы орто»,- дешти дарыгерлер.
Ош шаарында эпидемиологиялык абал башталгандан бери коронавирусту жуктургандардын жалпы саны 7089 адамга жетти.