16-октябрда саат 13:00 чамасында Баткен районунун Чоң-Кара айылы тарапта мыйзамсыз жүк ташып бара жаткан адамдар кармалды. Бул тууралуу өкүлчүлүктүн укук тартип, коопсуздук жана өзгөчө кырдаалдар бөлүмүнүн башчысы Мусурманбек Турсуматов билдирди.
Маалыматка караганда, чек арачылар «Хонда Одиссей» үлгүсүндөгү унаа токтотулган. Унаанын ичинен Тажикстанда тигилген 280 даана кимоно табылды. Кармалган унаа жана кимонолор Кызыл-Бел бажы постунда жайгаштырылды. Учурда териштирүү иштери жүрүп жатат.