Ош шаарында кикбокс боюнча Kyrgyzstan Open II Эл аралык ачык турнири өтүүдө. Мелдешке Пакистан, Өзбекстан, Казакстан жана Кыргызстандын бардык аймактарынан келген командалар катышууда.
Спортчулар 38 салмак категориясы боюнча күч сынашат. Ошондой эле чемпиондук кур үчүн профессионалдык беттештерди өткөрүү пландалууда.
Жеңүүчүлөр турнирдин уюштуруучулары – Ош шаарынын дене тарбия жана спорт комитети тарабынан дипломдор, медалдар жана баалуу белектер менен сыйланышат.