Калмира Билимбек кызы дүйнө чемпионатында коло медалга ээ болду

Дүйнө чемпионатында кыздар арасындагы күрөш боюнча кыргызстандык балбан Калмира Билимбек кызы коло медалды багындырды. Бул тууралуу 18-августта Дене тарбия жана спорт департаменти билдирди.

Балбан кыз 59 кг салмакта таймашты. Ал финалдын 1/16 өзбек атаандашын 11:1 эсебинде, ал эми финалдын 1/8 казакстандык спортчуну 8:1 эсебинде жеңди. 

Чейрек финалда жапониялык балбанды 10:0 эсебинде утуп, жарым финалда нейтралдуу желек менен чыккан Алеса Гетмановага утулуп калган. 

Калмира Билимбек кызынын медалы дүйнөлүк чемпионатта  Кыргызстандын курама командасынын биринчи медалы.

Балбан кыз 2021-жылы да дүйнө чемпионатына катышкан, анда күмүш медаль тагынган. Ал эми 2023-жылдын апрелинде өткөн Азия чемпионатында коло байгеге ээ болгон.