Кара-Сууда такси айдоочусун тоноого шектелген жаран кармалды

Кара-Сууда такси айдоочусун тоноого шектелип 30 жаштагы жаран кармалды. Бул тууралуу Ош облустук ички иштер башкармалыгы билдирди.

Маалыматка караганда окуя 25-январга караган түнү саат 05:00 чамасында болгон. Шектүү такси чакырып, айдоочу дарекке барганда анын денесине жараат келтирип, 10 миң сом акчасын жана кышкы курткасын тартып алган. Кийин жабырлануучунун арызы боюнча Кылмыш-жаза кодексинин тоноо беренеси менен кылмыш иши козголгон.

Милиция шектүүнү 9-мартта кармаган. Сот анын баш коргоо чарасын карап, 30-апрелге чейин камакта калтырды.

Шектүү Баткен облусунун тургуну экени жана буга чейин бир нече жолу соттолгону аныкталган.