Былтыркы жылы маяна 200% чейин жогорулаган

Былтыр эмгек акыларды жогорулатууга 32,2 млрд. сом сарпталып, маяна 200%га чейин көтөрүлгөн. Бул тууралуу Каржы министрлиги билдирди. 

Эмгек акы маданият, маалымат жана спорт, социалдык коргоо кызматкерлерине 200%, билим берүү кызматкерлерине 180% чейин кошулган.

Ошондой эле:

§медициналык кызматкерлерине 150% чейин;

§мамлекеттик жарандык кызматчылардын 181% чейин;

§муниципалдык кызматчылардын 177% чейин;

§мамлекеттик кызматчылардын категориясына кирбеген кызматчылардын 172% чейин;

§техникалык тейлөөчү персоналдын 160% чейин;

§кенже тейлөөчү персоналдын 150% чейин;

§бош жалданган жана жарандык персоналдын 169% чейин көбөйгөн.

1-октябрда прокуратура кызматкерлерин кошпогондо, аскер кызматчыларына жана укук коргоо органдарынын кызматкерлерине үстөктөрдү жылдык эмгек акынын фондунун 80 пайызына чейин жогорулатуу каралган.