Баткен: Ак-Суу дарыясындагы көпүрөнү калыбына келтирүү иштери жүрүүдө

Транспорт жана коммуникация министрлиги кыргыз-тажик чек арасындагы соңку куралдуу кол салууда жардырылган Ак-Суу дарыясындагы көпүрөнү калыбына келтирүү иштери уланып жатканын билдирди. Учурда 36 метрлик көпүрөдө унаа өтүүчү жол курулууда.

Буга чейин аталган министрлик Баткен районундагы "Көк-Таш – Ак-Сай – Тамдык автожолунун жетинчи чакырымындагы Дача – Чайхана тилкесинде Ак-Суу дарыясына курулган көпүрөнү тажик аскерлери жардырган" деп билдирген. Тажик тарап буга байланыштуу комментарий берген эмес. Көпүрөдөгү кыймыл 20-сентябрда кайра жанданган.