Президент ЖККУнун мүчө өлкөлөрүнүн башчыларынын жолугушуусуна катышуу үчүн Москвага барды

Президент Садыр Жапаров бүгүн, 15-майда, Жамааттык коопсуздук келишим уюмуна (ЖККУ) мүчө-мамлекеттердин башчыларынын жолугушуусуна катышуу үчүн Москвага барды. Бул тууралуу өлкө башчынын маалымат кызматы кабарлады. 

Расмий делегациясынын курамында:

§Тышкы иштер министри Жээнбек Кулубаев;

§Президенттин өзгөчө тапшырмалар боюнча атайын өкүлү Таалатбек Масадыков;

§Кыргызстандын Россия Федерациясындагы Атайын жана Ыйгарым укуктуу Элчиси Гүлнара-Клара Самат бар.

ЖККУга мүчө мамлекеттердин башчыларынын юбилейлик жыйыны 16-майда өтөт. Иш-чара Жамааттык коопсуздук келишиминин 30 жылдыгына жана ЖККУнун 20 жылдыгына арналган.

Бул саммит 2019-жылдан бери биринчи жолу оффлайн форматта өтүп жатат.