Акыркы сутка ичинде коронавирустан 1 адам көз жумду

Акыркы 24 сааттын ичинде өлкөдө коронавирус илдети 10 адамдан аныкталды. Мурда жуктургандардын ичинен 19у айыгып чыкты. Тилекке каршы, 1 бейтап көз жумган. 

Республикалык штабдан билдиришкендей, жаңы учурлардын төртөө Бишкектен, алтоо Чүйдөн аныкталган. 

Ушуну менен коронавирус жуктургандардын жалпы саны 200 836га жетти. Анын ичинен айыгып чыккандар 196 113. Каза болгондор 2 982.