Ош шаарында ЖОЖдор жана колледждер арасында "Ден соолук-2022" деп аталган спартакиада башталды

Ош шаарындагы жогорку жана орто атайын окуу жайлардын профессордук-окутуучулук курамынын арасында шаардык спартакиаданын ачылыш аземи болуп өттү. Спартакиаданын ачылышына Ош шаарынын вице-мэри Сонунбек Жунусбаев, жогорку окуу жайлардын, колледждердин ректорлору жана окутуучулары катышты.

Мелдешке 8 команда катышууда.

Мелдеш спорттун 7 түрү: кичи футбол, стритбол, тогуз-коргоол, шахмат, стол тенниси, волейбол, ордо боюнча эркектер жана аялдар командалары арасында өткөрүлөт. Оюндар  17-мартка чейин уланат.

Спартакиаданын жеңүүчүлөрү жана байге ээлери дипломдор жана медалдар менен сыйланышат. Мындан тышкары жеңүүчү болгон командалар республикалык спартакиадага катыша алышат.