Казакстандын бардык аймагына өзгөчө абал киргизилди

Казакстандын бардык аймагына өзгөчө абал режими киргизилди. Бул тууралуу казакстандык жалпыга маалымдоо каражаттары жазды.

Буга чейин өзгөчө абал режими Мангистау менен Алматы облустарында, ошондой эле Алматы менен Нур-Султан шаарларында гана киргизилген болчу.

Эми жарандардын жана транспорт каражаттарынын кыймылына, адамдардын Казакстанга кирип-чыгуусуна чектөө киргизилди. Ошондой эле коомдук тартипти коргоо күчөтүлдү.