• Башкы бет
  • Чыңгыз Бапаев Алай районунун аким болуп дайындалды
12:10, -ж., 19-январь

Чыңгыз Бапаев Алай районунун аким болуп дайындалды

Чыңгыз Бапаев Алай районунун аким болуп дайындалды

Президент кол койгон тескеменин негизинде Алай районунун акими Азамат Кожомамбетов ээлеген ордунан бошотулуп, ордуна Чыңгыз Бапаев аким болуп дайындалды.

Бапаев Чыңгыз Арстанбекович 1985-жылы Ысык-Көл облусунда туулган.

2008-2012-жылдары Ысык-Көл облустук администрациясында агроөнөр жайды өнүктүрүү жана табиятты коргоо бөлүмүндө жетектөөчү адис кызматын аркалаган.

2012-2015-жылдары Өкмөткө караштуу Экологиялык жана техникалык коопсуздук боюнча мамлекеттик инспекциясында жердин пайдаланылышын жана корголушун көзөмөлдөө бөлүмүнүн инспектору болгон.

2017-жылдын февраль айында Каракол шаардык мэриясына жетектөөчү адис кызматына келип, ошол эле жылдын октябрь айында Пристань-Пржевальский аймактык башкармалыгында жетекчи кызматына которулуп, ал жерде 2020-жылга чейин эмгектенген.

2021-жылы 14-январда Каракол шаардык мэриясына караштуу муниципалдык мүлк башкармалыгына жетекчи болуп орношкон. Ошол эле жылдын 22-июлунда Каракол мэринин биринчи орун басары кызматына дайындалып, 2023-жылдын 13-майында Президенттин тескемеси менен өзү иштеген шаарга мэр болгон.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз
#Алай району

Комментарийлер

live comments feed...