• Башкы бет
  • Өлкөдө 13 аймакка айыл статусу берилди
13:23, -ж., 12-январь

Өлкөдө 13 аймакка айыл статусу берилди

Өлкөдө 13 аймакка айыл статусу берилди

Президент Садыр Жапаров «Кыргыз Республикасынын Баткен, Ош, Чүй жана Ысык-Көл облустарынын жана Ош шаарынын айрым калктуу конуштарын айыл категориясына киргизүү жөнүндө» мыйзамга кол койду. Бул тууралуу Президенттин администрациясы маалымдады.

Мыйзамды Министрлер кабинети демилгелеп, 2023-жылдын 29-ноябрында Жогорку Кеңеш кабыл алып берген.

Мыйзамга ылайык, эми Баткен районундагы Кара-Бак айыл аймагына караган Момунов; Кадамжай шаарына караган Жаңы-Жер, Жийделик; Кадамжай районундагы Исхак-Полотхан айыл аймагына караган Келечек; Ош шаарына караган Качыбек, Мээркан, Татар; Кара-Суу районундагы Кашкар-Кыштак айыл аймагына караган Кайрагач; Мады айыл аймагына караган Достук, Кызыл-Тал; Ноокат районундагы Т. Зулпуев айыл аймагына караган Калдай; Сокулук районундагы Кызыл-Туу айыл аймагына караган Исмаил; Түп районундагы Сары-Булак айыл аймагына караган Келечек конуштары айыл макамын алат.

Мыйзам расмий жарыялангандан он күндөн кийин күчүнө кирет.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз
#Президенттин жарлыгы

Комментарийлер

live comments feed...