Ош шаардык жолдор башкармалыгын көп жыл башкарган Арзыбек Жунусов кызматтан кетти

Ош шаардык мэриясынын жолдор башкармалыгынын башчысы Арзыбек Жунусов кызматтан кетти. Маалыматты "Т-Медиага" мэриянын басма сөз катчысы Жумамидин Сулайманкулов ырастап, ал өз арызы менен 1-ноябрда кеткенин билдирген. 

Жунусовдун өзүнөн комментарий алууга мүмкүнчүлүк болгон жок. 

Ош шаарынын мэринин ошол эле күнкү буйругу менен Жолдор башкармалыгынын башчысы болуп Юруслан Камилов дайындалган. 

Арзыбек Жунусов аталган кызматта дээрлик 15 жылдан бери иштеп келген.