Бишкек шаарынын вице-мэри жаңы кызматка барды

Бишкек шаарынын вице-мэри Нурдан Орунтаев Министрлер кабинетине караштуу Архитектура, курулуш жана турак жай-коммуналдык чарба мамлекеттик агенттигинин директору болуп дайындалды.

Тийиштүү Жарлыкка президент Садыр Жапаров кол койду.

Агенттикти буга чейин Мырзабек Жыпаркулов жетектеген.

Нурдан Орунтаев 2022-жылы августта Бишкек шаарынын мэри Эмилбек Абдыкадыровдун жарлыгы менен Бишкектин муниципалдык мүлк жана жер пайдалануу маселелери боюнча вице-мэри болуп дайындалган. Буга чейин ал мэриянын Муниципалдык мүлктү башкаруу боюнча департаментинин директору болуп иштеген.