Мелис Аспеков эки айга камакка алынды

Садыр Жапаровдун мурдагы тарапташы, активист Мелис Аспеков эки айга камалды. Мындай чечимди Бишкектин Биринчи май райондук соту 29-сентябрда кабыл алды. Бул тууралуу мекеменин басма сөз кызматы билдирди.

Аспековду Ички иштер министрлиги 29-сентябрда бийликти күч менен басып алууга даярданган деген шек менен кармаган.

28-августта Улуттук коопсуздук мамлекеттик комитети Аспековдун күнөөсү далилденбегени үчүн ага 10 миң доллардан ашык акчасын кайрып бергени тууралуу билдирүүсүн жокко чыгарган.

Эске салсак: Мелис Аспековго «Кыргыз темир жолу» ишканасынын экс-директору Василий Дашковдон 250 миң доллар талап кылган жана алдамчылык кылган деп айып тагылган. Ал жети жылга эркинен ажыратылган. Аспеков жаза мөөнөтүн Молдовановкадагы колонияда өтөгөн. Бирок ал 23-майда бошотулган.