• Башкы бет
  • Ошто ундун баасы боюнча түшүндүрүү иштери жүргүзүлөт
13:19, 2023-ж., 28-сентябрь

Ошто ундун баасы боюнча түшүндүрүү иштери жүргүзүлөт

Ошто ундун баасы боюнча түшүндүрүү иштери жүргүзүлөт

Ош шаарынын мэриясында ундун баасын жөнгө салуу жана бул боюнча калк арасында тушүндүрүү иштерин жүргүзүү маселеси боюнча жумушчу жыйын өттү.

Жыйынга Ош шаарынын мэринин орун басары Нурбек Кадыров, Кыргыз Республикасынын Экономика жана финансы министрлигине караштуу Монополияга каршы жөнгө салуу мамлекеттик агенттигинин төрагасынын орун басары Айбек Мамыралиев, муниципалдык аймактык башкармалыктардын, борбордук базардын жетекчилиги катышты.

Жыйындын жүрүшүндө жергиликтүү жана импорттолгон ундун азыркы баасы боюнча маселе талкууланып, бир нече ой-пикирлер айтылып, сунуштар берилди.

Мындан сырткары атайын жумушчу топ тарабынан шаардын жети аймагында, жергиликтүү өндүрүлгөн унга болгон бааны көзөмөлдөө максатында шаар тургундары, ун өндүрүүчүлөр жана сатуучулар арасында түшүндүрүү иштерин алып баруу боюнча тапшырма берилди.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз
#Ош шаары

Комментарийлер

live comments feed...