Айыл чарба министрлиги унду экспортоого убактылуу тыюу салынуу сунуштады

Айыл чарба министрлиги ун, буудай жана меслинди убактылуу экспорттого тыюу салууну сунуштап жатат. Токтом долбоору 19-сентябрда коомдук талкууга чыкты. Документте мындай чектөө өлкөнүн азык-түлүк коопсуздугун сактоо жана баалардын кескин өсүшүнө жол бербөө максатында киргизилип жатканы жазылган. 

Кечээ, 19-сентябрда Министрлер кабинетинин төрагасынын орун басары Бакыт Төрөбаев тийиштүү мамлекеттик органдардын жана ун, мунай ташуучулар ассоциацияларынын өкүлдөрү менен азык-түлүк коопсуздугу боюнча жыйын өткөргөн. Анда өлкөдө буудай тартыштыгы жок экени, казак уну темир жолдогу сезондук тыгындан улам кымбаттап жатканын айтылган.

19-сентябрда парламенттин тармактык комитетинин жыйынында бир нече депутат базарда нандын, ундун баасы кескин кымбаттаганын айтып чыккан. Депутат Жусупбек Коргонбай уулу өкмөттү чара көрүүгө чакырган.