• Башкы бет
  • Бул кышта 2 млн 746 миң тонна көмүр керектелет
16:13, 2023-ж., 11-сентябрь

Бул кышта 2 млн 746 миң тонна көмүр керектелет

Бул кышта 2 млн 746 миң  тонна көмүр керектелет

2023-2024-жылдын кыш мезгилинде кыргызстандыктар жалпы 2 млн 746 миң тонна көмүр керектейт. Бул тууралуу маалымат жыйынында энергетика министри Таалайбек Ибраев билдирди.

Анын айтымында, бюджеттик мекемелерге 298 миң 900 тонна тартылат, учурда анын 21 миң 48 тоннасы камсыз болду.

«Ал эми Кыргызстандын калкы үчүн 1 млн 247 миң тонна көмүр керектелет, учурда камсыздоо 233 миң 300 тоннаны түзөт», — деди Ибраев.

Министр кошумчалагандай, Бишкек ЖЭБи 1 млн 200 миң тонна көмүр сарптайт, анын 600 миң тоннасы Казакстандан, калганы жергиликтүү көмүр кендеринен алып келинет.

«Азыркы учурда ЖЭБге 280 тонна көмүр жеткирилди. Быйылкы жылы көмүрдүн тоннасы 4,5 — 5 миң сомго чейин болот», — деди ал.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз
#Көмүр

Комментарийлер

live comments feed...