• Башкы бет
  • Эрулан Көкүловдун жоругун депутаттар колдоду
12:01, 2023-ж., 6-сентябрь

Эрулан Көкүловдун жоругун депутаттар колдоду

Эрулан Көкүловдун жоругун депутаттар колдоду

Жогорку Кеңештин депутаты Эрулан Көкүлов билим берүү министринин иш бөлмөсүнө эмнеге барганын партиялашы, депутат Марлен Маматалиев түшүндүрдү.

Айтуусунда, Эрулан Көкүловго окуу жылы башталгандан бери окуучулардын ата-энелери билим берүү маселелерине байланыштуу кайрылып жаткан. Ал элдин кайрылууларынан улам Билим берүү министрлигинен алгылыктуу жооп ала албагандыктан министрдин өзүнө барган.

«Ал депутаттык этиканы бузган жок. Министрликке байланыша албай, өзүм барайынчы деп барган. Министрдин кабинетинде жыйын болуп жаткан экен, кабылдамасында күтүп отурган, аны сырттан бир жаш бала келгенсип, күттүрүшкөн. Бирок кескиленген видеону жарыялап, Көкүловго терс пикирлер айтылып жатат. Бүгүн толук видеосун өзү чыгарат, элдин көйгөйүн чечүү үчүн барган», — деди Маматалиев.

Ушундай эле пикирди депутат Медер Алиев да айтып, учурдун депутаты мобилдүү жана ыкчам болушу керектигин билдирди. Ал айрым министрлер парламенттин комитеттеринин жыйындарына такыр келбей турганын жүйө келтирди.

Депутат Эрулан Көкүлов министрликке эмне себептен барганын түшүндүргөн видеосун өзүнүн Ютуб-каналына жарыялады.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз
#Эрулан Көкүлов

Комментарийлер

live comments feed...