Ошто акча опузалоого шектелеген эки жаран кармалды

Улуттук коопсуздук боюнча мамлекеттик комитети Ошто акча опузалоого шектүү эки жаран спортзалда машыгып жаткан жеринен кармалганын кабарлады.  

Маалыматка караганда, алар Кара-Суу районунун тургунунан күч колдонобуз деп коркутуп, 30 миң сом, ошондой эле ай сайын 15 миң сом талап кылып турушкан. Учурда кылмыштын уюштуруучусу убактылуу кармоочу жайга киргизилип, иликтөө иштери жүрүп жатат.

Атайын кызматтар жана укук коргоо органдары уюшкан кылмыштуу топторго каршы күрөшүүнү улантып жатканы белгиленди.