Баткен: Кара-Кол каналын куруу иштери жүрүүдө

Баткенде узундугу 14 км болгон Кара-Кол каналын куруу, калыбына келтирүү иштери аткарылууда. Ал ишке кирсе, 1 куб көлөмдөгү сууну пайдаланууга шарт түзүлөт. Бул тууралуу президеттин Баткен облусундагы ыйгарым укуктуу өкүлүнүн басма сөз кызматы билдириди.

Бул долбоор үчүн  бюджеттен 27 млн. сом, Агахан эл аралык уюумунан 26 млн. сом грант бөлүнгөн.

Маалыматка карганда ирригациялык обьекттин курулушу менен 1000 гектар жер сугат суу менен камсыз болуп, жакынкы айылдарга кошумча суу берүү жакшырат.

Азыркы учурда Сары-Таш, Таңги участкасында темир суу түтүктөрүн ширетүү, монтаждоо жүрүп жатса, Ак-Терек участкасында каналды бетондоо жана даярдоо иштери башталган.

Каналдын курулушун 2023-жылдын ноябрь айына  бүтүрүү пландалган.