Ош шаарынынын спортчулары бел боо күрөшү боюнча Азия чемпионатында алтын медаль тагынышты

Өзбекстандын Жиззак шаарында өтүп жаткан бел боо күрөшү боюнча Азия чемпионатынын алгачкы күнүндө Ош шаарынын эки спортчусу - 60 кг салмакта Баяман Абидинов (эркин стилде) жана 55 кг салмакта Эльзада Момунжанова (классикалык стилде) жеңишке жетишип, өз салмак категорияларында биринчи орунду ээлешти.

Белгилей кетсек, чемпионаттын биринчи күнүндө

Кыргызстандын жалпы 6 спортчусу алтын медаль тагынышкан. Аталган чемпионатка жалпысынан дүйнөнүн 11 өлкөсүнөн 200дөн ашык спортчу катышууда.

Мелдештер эркектер жана аялдар арасында, 12 салмактык категориясында өтүүдө.