• Башкы бет
  • Комиссия имараттардын жер титирөөгө болгон туруктуулугун текшерип баштады
15:38, 2023-ж., 23-май

Комиссия имараттардын жер титирөөгө болгон туруктуулугун текшерип баштады

Комиссия имараттардын жер титирөөгө болгон туруктуулугун текшерип баштады

Курулуп жаткан имараттардын жер титирөөгө туруктуулугун текшерүү боюнча мекемелер аралык комиссия өз ишин баштады. Бул тууралуу Архитектура, курулуш жана турак жай-коммуналдык чарба мамлекеттик агенттигинин басма сөз кызматы билдирди.

Министрлер кабинетинин тескемеси менен түзүлгөн комиссия Бишкек шаарынын төмөнкү аймактарына текшерүү жүргүздү:

— «Авангард Стиль» ЖЧКсы салып жаткан Орто-Сай айылы, контур 5 дарегиндеги «Авангард сити» көп кабаттуу турак жайы жана ага караштуу бала бакча;

— Ушул эле компаниянын Токомбаев көчөсү, 15/2 дарегиндеги «Елисей талаалары» имараты менен автопаркинги;

— «Кыргыз Каганат» ЖЧКсы салып жаткан Токомбаев көчөсү, №15 дарегиндеги 14 кабат имарат менен анын жер төлөсүндөгү автопаркинг.

«Комиссия шаар куруу жана архитектура жаатындагы мыйзамдардын сакталышын, уруксат берүүчү документтердин камсыздалганын, курулуш нормаларынын жана эрежелеринин сакталышын, курулуш-монтаждоо иштеринин долбоорго ылайыктуулугун, ошондой эле курулуш имараттарында бетондун бекемдигин жана арматуранын долбоордук чечимдерге ылайыктуулугун текшерди», — деп айтылат маалыматта.

Министрлер кабинетинин тескемесине ылайык, мекемелер аралык комиссия ишинин жыйынтыгы боюнча отчётту үч айдын ичинде берүүгө тийиш.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз
#Комиссия үйлөрдү текшерди

Комментарийлер

live comments feed...