• Башкы бет
  • Казакстандагы шайлоо: Жарандардан 21 кайрылуу келип түштү
13:17, 2023-ж., 29-март

Казакстандагы шайлоо: Жарандардан 21 кайрылуу келип түштү

Казакстандагы шайлоо: Жарандардан 21 кайрылуу келип түштү

Казакстандын Конституциялык сотуна маслихат жана мажилис шайлоолоруна байланыштуу жарандардан 21 кайрылуу келип түштү. Бул тууралуу Конституциялык соттун басма сөз кызматы билдирди.

Маалыматка караганда, Конституциялык соттун компетенциясына туура келбеген 13 арыз кайра кайтарылган.

Жарандардын көбү кайрылууларында «Шайлоо жөнүндө» конституциялык мыйзамдын жер-жерлерде аткарылышын талап кылышкан.

Казакстанда парламенттин төмөнкү палатасына жана жергиликтүү кеңештерге шайлоо 19-мартта өткөн. 27-мартта жарыяланган акыркы жыйынтыкка караганда, парламентке жети партиянын алтоо өттү. Бийликтеги «Аманат» партиясы мажилистеги 98 мандаттын 60ына ээ болду.

Көз карандысыз байкоочулар 19-мартта мөөнөтүнөн мурда өткөн мажилис жана маслихат депутаттарын шайлоо жапырт мыйзам бузуулар менен коштолгонун билдирүүдө. Алардын айтымында, бюллетендерди тобу менен салуу, сүрөткө тартуу, көз карандысыз байкоочулардын айрымдарын шайлоо тилкелеринен чыгаруу, протоколдорду берүүдөн баш тартуу сыяктуу мыйзам бузуулар катталган.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз
#Казакстан

Комментарийлер

live comments feed...