14:37, 2023-ж., 13-март
Аксыда ооруканадан өрт чыгып, адамдар эвакуацияланды
13-мартта Жалал-Абад облусунун Аксы районунун Кербен шаарында жайгашкан ооруканадан өрт чыгып, ичиндегилер эвакуацияланды. Бул тууралуу Өзгөчө кырдаалдар министрлиги билдирди.
Учурда өрттү өчүрүү иштери уланууда. Аксы районунан үч, Ала-Бука районунан бир өрт өчүрүүчү бөлүм тартылды. Азырынча кырсыктын эмнеден чыкканы белгисиз.
Саламаттыкты сактоо министрлигинин басма сөз катчысы Жылдыз Айгерчинова министр Гулнара Баатырова Жалал-Абадга жөнөп кеткенин кабарлады. Кырсык болгон жерде министрликтин координатору көзөмөл жүргүзүп жатат.
«Бейтаптар башка бөлүмдөргө которулуп, эвакуацияланды. Жабыркагандар жок. Бардык тийиштүү иш-чаралар жүрүп жатат. Жалпысынан төрт бөлүмдөн ( реанимация, төрөт, хирургия, балдар) 134 оорулу эвакуацияланды», -деди Жылдыз Айгерчинова.
Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз
Акыркы жаңылыктар
14:08
-ж., 29-февраль
14:04
-ж., 29-февраль
14:02
-ж., 29-февраль
14:01
-ж., 29-февраль
13:59
-ж., 29-февраль
13:55
-ж., 29-февраль
13:52
-ж., 29-февраль
13:49
-ж., 29-февраль
live comments feed...
Комментарийлер