Былтыркы жылы орточо маяна 26 миң сом болгон

Улуттук статистика комитетинин эсеби боюнча былтыр кыргызстандыктардын орточо номиналдык эмгек акысы 26 миң 620 сом болду. Бул 2021-жылга салыштырмалуу 31,8 пайызга көп.

Статистикалык маалыматтарга караганда өткөн жылы көңүл ачуучу тармактарда 70%га чейин, саламатык сактоо жана социалдык тейлөө тармагында, билим берүү, мамлекеттик башкаруу тармактарында маяна 35-49%га чейин көтөрүлгөн.

Эгек акы орточо эсептегенде Бишкектеги мекемелерде жогору. Андан кийин Нарын, Талас, Жалал-Абадда орточо эмгек акы башка аймактардан көбүрөөк.