• Башкы бет
  • Жалал-Абадда мыйзамсыз алкоголдук ичимдиктерди ташыган автоунаа аныктады
15:10, 2023-ж., 14-январь

Жалал-Абадда мыйзамсыз алкоголдук ичимдиктерди ташыган автоунаа аныктады

Жалал-Абадда мыйзамсыз алкоголдук ичимдиктерди ташыган автоунаа аныктады

Мамлекеттик салык кызматынын кызматкерлери Жалал-Абад облусунун Базар-Коргон районундагы салык контролунун жүрүшүндө акциздик маркаларсыз алкоголдук продукцияны ташыган автомашинаны аныкташты. Бул тууралуу мекеменин басма сөз кызматы кабарлады.

Маалыматка ылайык, бул факт Салык кызматынын маалыматтык системасы аркылуу электрондук товардык-транспорттук коштомо кагаздын иш жүзүндө таризделиши боюнча ишкердик субъекттерге карата салык контролунун жүрүшүндө аныкталган. Башкача айтканда, маалыматтык системадан автомашинаны текшерүүдө ЭТТК жок экендиги жана кызматкерлер тарабынан автомашинаны текшерүүдө акциздик маркаларсыз алкоголдук продукцияны ташуу фактысы белгиленген.

Бардыгы болуп 9 миң 720 бирдик «стакандагы» алкоголь тартып алынды.

Товарлары менен автомашина мөөр басылып, айып салынуучу жайга киргизилди. Бузуулардын материалдары облустук прокуратурага юридикалык баа берүү үчүн өткөрүлүп берилди.

Белгилей кетсек, алкоголдук продукцияларды жана тамеки буюмдарын саткан субъекттер 2022-жылдын 15-майынан тартып электрондук товардык-транспорттук коштомо кагазды тариздөөгө милдеттүү.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз
#Салык кызматы

Комментарийлер

live comments feed...