• Башкы бет
  • Бишкекте Чыңгыз Айтматовдун 95 жылдыгына арналган форум болот
13:50, 2023-ж., 12-январь

Бишкекте Чыңгыз Айтматовдун 95 жылдыгына арналган форум болот

Бишкекте Чыңгыз Айтматовдун 95 жылдыгына арналган форум болот

Кыргыз Республикасынын Баатыры, Кыргыз эл жазуучусу Чыңгыз Айтматовдун 95 жылдыгына арналган кыргыз-казак интеллигенциясынын эл аралык форуму өтөт. Иш-чара январдын аягында Бишкек шаарында болору болжолдонууда.

Ага Казакстан Сенатынын төрагасы Маулен Ашимбаев, Казакстандын маалымат жана коомдук өнүктүрүү министри Дархан Кыдырали да катышат.

Мындан тышкары Кыргызстандын белгилүү окумуштуулары Чынгыз Айтматовдун өмүр жолу жана чыгармачылыгы тууралуу баяндамаларды жасашат.

Президент Садыр Жапаровдун демилгеси менен өтө турган бул форум улуу жазуучу Чынгыз Айтматовдун 95 жылдыгына карата эл аралык жана республикалык деңгээлдеги иш-чаралардын башаты болуп саналат.

Кошумчалай кетсек, мамлекеттик катчы Сүйүнбек Касмамбетов кечээ, 11-январда Кыргыз улуттук илимдер академиясынын вице-президенти, академик Чолпонкул Арабаев, Ч. Айтматов атындагы Тил жана адабият институтунун директору, академик Абдылдажан Акматалиев, ошондой эле Президенттин администрациясынын тиешелүү бөлүм башчылары менен эл аралык форумду уюштуруу боюнча жыйын өткөрдү.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз
#Чыңгыз Айтматов

Комментарийлер

live comments feed...