Бишкекте президент катышкан футбол мелдеши башталды

Бишкекте президент Садыр Жапаровдун катышуусунда футбол боюнча «Мурас” достук турнири башталды. Ага 16 команда катышып жатат.

Оюндар «Газпром балдарга» дене тарбия — ден соолукту чыңдоо спорт комплексинде жана Каба уулу Кожомкул атындагы спорт ордосунда өткөрүлөт. Таймаш 15-декабрда жыйынтыкталат.

Ага депутаттар, футбол ардагерлери, журналисттер, дин өкүлдөрү, судьялардан турган 16 команда катышууда:

А тайпасы: «Президенттин командасы”, «Фемида”, «Журналисттер”, «Спорттук федерациялар”.

В тайпасы: «Жогорку Кеңеш”, «Коопсуздук”, «Достук”, «Бизнес”.

С тайпасы: «Алга”, «Элчилер”, «Спорт Жылдыздары”, «Билим”.

D тайпасы: «Ыйман”, «Өнөр”, «Аймактар”, «Ден-Соолук”.

Иш чара Кыргыз футболдук союзунун жана президенттин администрациясынын демилгеси менен уюштурулган.

Биринчи турнир 4-5-майда өтүп, президенттин администрациясынын командасы биринчи орунду жана 1 млн сомдук сертификатты жеңген. Ал каражат кайрымдуулукка жумшалганы айтылган.