• Башкы бет
  • Кыргызстанда электр энергиясын керектөө тарыхый максимумга жетти
14:28, 2022-ж., 12-декабрь

Кыргызстанда электр энергиясын керектөө тарыхый максимумга жетти

Кыргызстанда электр энергиясын керектөө тарыхый максимумга жетти

Кыргызстанда электр энергиясын колдонууда кезектеги тарыхый максимум катталганын бүгүн, 12-декабрда “Кабар” маалымат агенттигинде өткөн басма сөз жыйынында “Улуттук энергохолдинг” ишканасынын башкармалыгынын төрагасы Талайбек Байгазиев билдирди.

“Былтыркы кышта бул кезде суткасына калкыбыз 55 млн. кВт/саат электр энергиясын алып жаткан болсо, быйыл суткасына 70 млн. кВт/саат болууда. Былтыркыга салыштырганда 15 млн. кВт/саатка көп”,-деди Талайбек Байгазиев.

Ал ошондой эле кечкисин электр энергиясын керектөөнүн эң жогорку көлөмү бул күндөрү 3,3 миң мегаватт болуп жатканын, былтыр ушул маалда 3 миңге жетпеген деңгээлде болгонун кошумчалады.

Анын айтымында, Токтогул ГЭСи кадимки тартипте иштеп жатат, суу сактагычтагы суунун көлөмү 12,1 млрд. куб метр болууда, бул былтыркыдан 1,4 млрд. кубга жогору.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз
#Электр энергиясы

Комментарийлер

live comments feed...