Жалал-Абад шаарына 1 млн.800 миң сомго стелла курулду

Жалал-Абад шаарынын кире беришине стелла курулду. Ага шаардык бюджеттен 1 млн. 858 миң сом каражат жумшалган.

Шаардык мэриянын маалымат борборунан билдиришкендей, «Жалал-Абад шаары» деген стелла курулуп, айланасы жарыктандырылып, брусчатка төшөө жана газон себүү жумуштары аткарылган. 

Буга чейин биздин редакция Жалал-Абад мэриясы 16 млн сомго желек орното турганы боюнча тараган маалыматты текшерип көргөн.

Анда ал Жалал-Абад шаарындагы понарама аймагына курула турганы, тендер 26-август күнү жарыяланганы белгилүү болгон.