Канат Исаев камакта калтырылды

Бишкек шаарынын Биринчи май райондук сотунун 21-ноябрдагы токтомуна ылайык, Канат Исаевдин абактагы мөөнөтү 23-декабрга чейин узартылды.

Саясатчы Канат Исаев 23-октябрда бир айга УКМКнын убактылуу кармоочу жайына камалган.

Биринчи май райондук соту ал 2017-жылы козголгон кылмыш ишинин алкагында убактылуу кармоочу жайга киргизилгенин маалымдаган.

Сот УКМК тергөөчүсүнүн өтүнүчү менен Исаевдин 2018-жылдын октябрында тандалган эч жакка чыкпоо тууралуу жазуу түрүндөгү бөгөт чарасын өзгөрткөн. 2017-жылы Исаев «мамлекеттик төңкөрүш уюштурууга аракет кылган» деген шек менен камалган. Ушул иштин алкагында ал УКМКнын тергөө абагында бир жылга жакын отурган. 2018-жылы 18-июлда Бишкек шаардык соту аны үй камагына чыгарган.