Баткенге мамлекеттик казынада 4,1 миллиард сом бөлүндү

Баткен облусуна мамлекттик казынадан 4,1 млрд сом бөлүндү. Бул тууралуу облусту калыбына келтирүү боюнча мамлекеттик комиссиянын жыйынында Министрлер кабинетинин төрагасы Акылбек Жапаров билдирди.

Жапаровдун маалыматында Баткенге жалпы 6-8 млрд сом бөлүү пландалган. Буга чейин, аймакты социалдык-экономикалык өнүктүрүү программасын ишке ашырууга 250 млн сом, турак-жайларды курууга 1 млрд сом, жолдорду жана көпүрөлөрдү реконструкциялоого 300 млн сом каржыланды.

Ошондой эле, президенттин Баткендеги ыйгарым укуктуу өкүлчүлүгүнүн атайын эсебине 330 миллион 75 миң сом жардам катары түштү. Анын 138 миллион 4 миң сому чек ара чатагынан жабыркаган жарандарга компенсация катары берилгени маалымдалды.