15:11, -ж., 22-сентябрь

Түркияда бир жума бою "Манас" айтылат

Түркияда бир жума бою "Манас" айтылат

Түркиянын Бурса шаарында кыргызстандык, казакстандык жана түркиялык 14 манасчы 21-сентябрдан баштап бир жума "Манас" айтышат.

Бир жума бою шаардын "Меринос" маданий паркында атайын тигилген боз үйлөрдө "Манас" айтылып, маданий иш-чаралар уюштурулат.

Шаршембиде бул иш-чаранын ачылыш аземине Түркиянын президентинин кеңешчиси Ялчын Топчу, ТҮРКСОЙ уюумунун баш катчысы Султан Раев жана Анкарадагы элчи Кубанычбек Өмүралиев катышты.

Түркиядагы "Манас жумалыгы" IV Дүйнөлүк көчмөндөр оюндарын утурлай уюштурулган. Көчмөндөр оюндары быйыл 29-сентябрдан 2-октябрга чейин Түркиянын Изник шаарында өтөт.

"Манас" эпосу "Манас", "Семетей" жана "Сейтек" үчилтигинен турат. Эпостун манасчы Сагымбай Орозбаковдон 1920-жылдары жаздырылып алынган 19 миң саптан турган жана манасчы Саякбай Каралаевден жаздырылып алынган 937 миңден ашуун саптан турганы классикалык варианты болуп саналат.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

live comments feed...