• Башкы бет
  • Баткенде жихадчы катары шектелген үч адам кармалды
17:03, -ж., 25-август

Баткенде жихадчы катары шектелген үч адам кармалды

Баткенде жихадчы катары шектелген үч адам кармалды

Баткенде жихадчы деп шектелген үч адам кармалганын бүгүн 25-августта Улуттук коопсуздук боюнча мамлекеттик комитеттин (УКМК) басма сөз кызматы билдирди. Мекеменин маалыматына караганда, Кызыл-Кыя шаарындагы жихадчылар жамаатынын 29, 30 жана 41 жаштагы үч мүчөсү Кылмыш-жаза кодексинин “Куралды жана ок-дарыны мыйзамсыз жүгүртүү” деген 267-беренесинин негизинде козголгон кылмыш ишинин алкагында колго түшүрүлдү.

Кармалгандардын бири “Абу Нур” кылмыштуу тобунун лидери, бири террордук материалдардын жайылтуучусу, ал эми үчүнчүсү жамааттын мүчөлөрүнүн дене тарбия даярдыгы үчүн жооптуусу экени, алар Сириядагы согушкерлерге каржылык жардам көрсөтүү үчүн бир жылдан бери адамдарды карактоо менен алектенип келгени аныкталды.

Тинтүү учурунда шектүүлөрдүн жашаган жеринен түрдүү курал-жарак жана тыюу салынган китептер табылганы маалымдалды.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

live comments feed...