Баткенде бир нече күндөн бери чабандын дайыны чыкпай жатат

Өзгөчө кырдаалдар министрлиги Баткен облусунда бир чабандын дайыны бир нече күндөн бери чыкпай жатканын билдирди.

Ага ылайык, Орто-Боз айылынын 30 жаштагы тургуну 7-августта Догмон жайлоосу аркылуу Кишемиш жайлоосуна мал айдап кеткен. Ошондон бери табылбай жатат.

Аталган министрлик чабанды тогуз куткаруучу, жети милиция кызматкери жана 50дөй жергиликтүү тургундан турган топ издеп жатканын кабарлады.