Өзгөндө 25 жаштагы жаранга бычак сайып, денесине залал келтирүүгө шектелип 3 жаран кармалды

Өзгөндө 25 жаштагы тургунга бычак сайып, денесине зыян келтирүүгө шектелип үч жаран кармалды. Бул тууралуу Ош облустук ички иштер башкармалыгы билдирди. 

Милиция 5-августта 30-29-27 жаштагы үч шектүүнү колго түшүргөн.

Кылмыш болгон окуя мындан эки ай мурун 3-июнда болгон. Анда жабырлануучу Өзгөн райондук ооруканасына жаткырылып, башынан жабык түрдө жараат алып, оң буту сынганы аныкталган.

Учурда шектүүлөр убактылуу кармоочу жайга киргизилди. Тергөө уланып жатат.