Оштогу алтын базарда 2 жылдан бери соода орундарга акы төлөнгөн эмес

Ош шаарынын Базар көчөсүндө жайгашкан 27 сотых аянтты ээлеген алтын базардагы соода орундары үчүн 2 жылдан бери акы төлөнбөй келген. Бул Ош шаардык муниципалдык башкармалыгы тарабынан аныкталып, учурда териштирилүүдө.

Атайын тариф боюнча кичи базар деп белгиленип, ай сайын 292 032 сом төлөшү керек болгон. Бирок 111 608 сом гана көрсөтүлүп, 2 жылдан ашык мөөнөттүн ичинде бул акча да казынага түшкөн эмес.