• Башкы бет
  • Август айынан баштап мамлекеттик кызматкерлер менен муниципалдык кызматкерлердин маянасы көбөйөт
14:30, -ж., 30-июнь

Август айынан баштап мамлекеттик кызматкерлер менен муниципалдык кызматкерлердин маянасы көбөйөт

Август айынан баштап мамлекеттик кызматкерлер менен муниципалдык кызматкерлердин маянасы көбөйөт

Августтан тартып Кыргызстандагы мамлекеттик жана муниципалдык кызматкерлердин маянасы көбөйөт. Бул тууралуу Министрлер кабинетинин төрагасы Акылбек Жапаров 29-июнда Жогорку Кеңеште депутаттардын суроолоруна жооп берип жатып билдирди.

Өкмөт башчы айлык канча пайызга жогорулай турганын тактаган жок.

Расмий маалыматка ылайык, өлкөдө мамлекеттик жана муниципалдык кызматкерлердин саны 28 миңге чамалайт.

Кыргызстанда бюджеттен каржыланган жалпы билим берүү тармагынын кызматкерлеринин айлык акысы 1-апрелден тартып 50-80% чейин көбөйгөн. Анын ичинде педагогдуку 80%, административдик башкаруу кызматкерлериники 50%, техникалык жана кенже кызматкерлердин айлык акысы 80% жогорулаган.

Кыргыз өкмөтү мамлекеттик кызматкерлердин айлыгын көбөйтүү максатында бюджеттен 26 млрд. сом кошумча бөлгөн. Анын 16 млрд. сому билим берүү тармагына кеткен. Андан сырткары дарыгердин айлыгына 50%, маданият чөйрөсүндө иштегендердин акчасына 80% кошулган.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

live comments feed...