• Башкы бет
  • Жалал-Абадда уран мурастарынын музейи ачылды
14:04, -ж., 24-июнь

Жалал-Абадда уран мурастарынын музейи ачылды

Жалал-Абадда уран мурастарынын музейи ачылды

Жалал-Абад облусунун Майлуу-Суу шаарында уран мурастарынын музейи ачылды. Бул тууралуу Европадагы коопсуздук жана кызматташтык уюмунун (ЕККУ) Кыргызстандагы кеңсесинен билдиришти.

"Майлуу-Суу шаарынын тарыхы жана Кыргызстандын уран мурасы" музейи ЕККУ, БУУнун Өнүктүрүү программасы, Майлуу-Суу шаардык мэриясы, Өзгөчө кырдаалдар министрлиги жана башка өнөктөштөр менен тыгыз кызматташтыкта түзүлгөн. Музейдин ачылышына еврокомиссиянын Эл аралык өнөктөштүк боюнча Башкы дирекциясынын өзөктүк коопсуздук секторундагы долбоордун менежери Электра Цигаридас катышты.

Жаңы музей өнөр жай шаарчасынын тарыхын, тоо-кен жана уран калдыктарын сактоочу жайлардын жергиликтүү калктын ден соолугуна жана экосистемаларына тийгизген таасирин көрсөтөт. Анда интерактивдүү тажрыйба камсыз кылынып, ар бир адам тиешелүү тарыхый материалдар, окуялар жана эскерүүлөр менен бөлүшө алат.

Музей Майлуу-Суу өнүктүрүү форумунун алкагында ачылган.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

live comments feed...