Бишкек мэриясы «Белес.kg» ишканасынан 5 автобус сатып алат

Бишкек шаарынын мэриясы «Белес.kg» ишканасы менен кызматташуу боюнча меморандумга кол койгонун билдирди. Келишим боюнча мэрия ишканадан сапатын текшерүү үчүн беш автобус сатып алат. 

«Белес.kg» автобустарынын газ кыймылдаткычы барлары алынып жатат.

Быйыл 15-февралда президент Садыр Жапаров автобус кураштыруучу бул ишканадан мамлекет 10 автобус сатып алаарын айткан. Бирок кийин мэри аларды алуудан баш тартканн билдирген. Учурда сыноо үчүн кайрадан ата мекендик өндүрүшчүлөрдөн коомдук транспорт алынганы жатат.

Быйыл Кыргызстан Азия өнүктүрүү банкынын долбоорунун негизинде жарым жатрылай насыяга 120 автобус алууну көздөп жатат. Ал эми, Ош шаардык мэриясы Өзбекстандан 50 автобус алууну пландоодо.