• Башкы бет
  • Окуу жылын 1-сентябрдан баштоо маселеси каралууда
14:52, -ж., 7-июнь

Окуу жылын 1-сентябрдан баштоо маселеси каралууда

Окуу жылын 1-сентябрдан баштоо маселеси каралууда

Билим берүү жана илим министрлиги 1-сентябрдан баштала турган жаңы окуу жылынын графигинин артыкчылыктары менен кемчиликтерин изилдеп жатат.

Бул тууралуу кечээ, 6-июнда Жогорку Кеңештин тармактык комитетинин жыйынында Билим берүү жана илим министринин орун басары Расул Абазбек уулу билдирди.

Окуу жылынын эски тартибине кайтуу маселесин депутат Аида Исатбек кызы көтөрдү.

«Маалым болгондой, 2021-жылы окуу жылы 15-сентябрда башталып, 8-июнда аяктайт. Буга байланыштуу көптөгөн көйгөйлөр жаралууда. Мага көптөгөн мугалимдер жана ата-энелер кайрылып жатышат. Класста 40-50 бала окуйт деп ата-энелер, мугалимдер көп айтышат. Ал эми июнь айында аптаптын башталышы менен балдар чарчап, жаңы маалыматтарды кабыл ала албай калышат. Ошондуктан бул маселени чечүүнүн жолдорун карайлы.  Окуу жылынын графигин 1-сентябрдан 25-майга чейин кайтарсак болобу? ​​Ылайыктуу шарт түзбөсө, мындай ысыкта балдардын окуусу кыйынга турат», — деди депутат Аида Исатбек кызы.

Билим берүү министринин орун басары Расул Абазбек уулу бул маселе боюнча министрликтин да дарегине кайрылуу көп келерин айтты. Ошондуктан сунуштардын негизинде окуу жылын кайрадан 1-сентябрдан баштоонун артыкчылыктары менен кемчиликтери изилденип жатат.

2021-жылы мектептерде сабактар ​​15-сентябрда башталып, 8-июнда аяктай турган болгон. Министрлер кабинети мындай чечимди эпидемиологиялык кырдаалга жана туристтик сезонго байланыштуу реалдуу убакыт режиминде окутууга этап-этабы менен өтүү менен түшүндүргөн.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

live comments feed...