Бишкекте үй тиричилик буюмдарын чыгаруучу толук циклдүү завод иштеп баштады

21-майда Бишкекте Борбор Азиядагы биринчи үй тиричилик буюмдарын чыгаруучу толук циклдуу заводдун ачылышы өттү. Анда заводто чыгарыла турган продукциянын жаңы коллекциясиялары көрсөтүлдү. 

Иш-чарага президенттик администрациянын өкүлдөрү, РКДФ башкармалыгынын төрагасы Артём Новиков,  Инвестицияларды өнүктүрүү агенттигинин директору Равшан Сабиров, Аламүдүн районунун акими Бактыбек Анаркулов катышкан.

Маткасымов 2016-жылы негизделген ата мекендик өндүрүштүк компания. 2022-жылга чейин Төмөнкү Ала-Арчадагы заводдо ишмердүүлүгүн жүргүзүп келген. Маевкадагы жаңы завод автоматтык сырдоо линиясы, труба прокат жана штамптоо цехи менен толук циклди аткарат.

Жалпы өндүрүш аянты 2,5 гектар, курулуш 8 айга созулган. Компанияда 150дөн ашуун жумушчу орундары каралган. Заводдун кубаттуулугу жылына 10 миллион товарды түзөт.