Ош: Түштүк-Чыгыш кичи районунда тротуар куруу үчүн 12ден ашык обьект бузулду

Ош шаарынын Юго-Восток кичи районундагы Абакир уулу Төрөбек көчөсүн бойлой убактылуу жана мыйзамсыз орнотулган соода жайларын бузуу иштери кызуу жүрүп жатат. Мэриянын муниципалдык менчик башкармалыгы буга чейин 12ден ашык соода объектилерин бузду. Жалпысынан 25ке жакын убактылуу жана уруксаты жок объекттер алынууга тийиш.

Бул көчөнүн узундугу 1 чакырымга жакын. Алдыда аянтка тротуар куруу жана жашыл аймактарды калыбына келтирүү пландалууда.