Ош шаардык милициясынын ыкчам кызматкери пара талап кылууга шектелип кармалды

Улуттук коопсуздук мамлекеттик комитети Ош шаардык ички иштер башкармалыгынын ыкчам кызматкери пара талап кылууга шектелип кармалганын кабарлады. Атайын кызмат тараткан маалыматка караганда, анын 1 500 доллар акча талап кылганы аныкталган.

«18-майда Кара-Суу районунун аймагында көрсөтүлгөн сумманын 20 миң сом өлчөмүндөгү бир бөлүгүн алып жаткан жеринен Ош ШИИБнин уюшкан кылмыштуулукка каршы күрөшүү бөлүмүнүн ыкчам кызматкери, милициянын майору К.Т.Т. кармалды», -деп айтылат маалыматта.

Азыркы учурда тиешелүү ыкчам-тергөө амалдар уланууда.