Баткенде республикалык деңгээлде ат оюндары өтүп жатат

Баткен облусунда 9-май жеңиштин 77 жылдыгына карата республикалык деңгээлде  улуттук ат оюндары өтүп жатат.

Президенттин Баткен облусундагы ыйгарым укуктуу өкүлчүлүгүнөн билдиришкендей, оюн Кадамжай районунда кечээ 2-майда башталган.

Ага өлкө боюнча жалпы 26 команда катышууда.

Оюндар ат чабыш, көк бөрү, кыз куумай, тыйын эңмей, ат үстүндө жигит өнөрү, эр сайыш, эр эңиш жана Салбуурун боюнча өткөрүлүп 9-майга чейин уланат.

Мелдештин жалпы байге фонду 3 миллион 500 миң сомду түзүүдө.